Hemen dugu 2020-21 ikasturteko matrikulazio-garaia, eta Orereta Ikastolak horri buruzko informazioa ahalik eta modurik zuzenenean eta praktikoenean helarazi nahi dizue.

Matrikulazioa bi modutan egin daiteke:

Ikastolan

Urtarrilaren 27tik otsailaren 7ra arte izango duzue horretarako aukera. Egun horietan, pasa zaitezte Ikastolako bulegoetatik inprimakiak jasotzera. Hemen duzue behar den dokumentazioa:

• Familia-liburuaren fotokopia
• Udaleko errolda-agiria (bizikidetza-agiria)
• Haurraren tutorearen edo tutoreen nortasun agiriaren fotokopia
• Haurraren argazki bat
• Aukeratutako bigarren eta hirugarren ikastetxeen zerrenda
• Kontu korronte zenbakia

Online

Urtarrilaren 27tik otsailaren 7ra, matrikulazioa "online" egiteko aukera izango duzue ondorengo helbidean: www.hezkuntza.net. Kasu honetan, inprimakia online bete beharko duzue, eta ondoren beharrezkoa den dokumentazioa eskaneatu eta webgunera igo.

* Bazkidetza

Haurrak Ikastolan matrikulatzen dituen familia oro izango da Ikastolako bazkide. Horiek horrela, bazkide egitean, Orereta Ikastola Koop. E.ko kapitalera ekarpena egin behar da: 60€ familiako. Urteko kuota 40,47€koa da.

Bulego-ordutegia

Esmalteriako bulegoa (Koldo Mitxelena plaza,6): 09:30 - 12:30 / 15:30 - 18:30 (urtarrilaren 27tik otsailaren 7ra)

Añabitarteko bulegoa (Zamalbide auzoa, 14): 08:00 - 16:00